( لا تخـاف )
لا تخاف من الزمان الزمن ماله أمان
خف من اللي كل امانك في يديه وتامنه
لو حبيبك ماوفى لك لو حبيبك فيك خان
ايش ترجي من زمانك ؟ النتيجه باينه
نكتشف مر الحقيقه بعد مايفوت الأوان
قلت لك لاتندفع له قلت حبي صاينه
وينه اللي صان حبك؟ ما أشوف اليوم بان
قلبك اللي هوا قلبك لا تحسبك ضامنه
لاتعذّر باحتياجك كلنا ناقص حنان
كلنا طفل يتمنى أي شخص ٍٍٍِ يحضنه
نبني الدنيا وحنا نوقف بنفس المكان
للأسف ينقص وفانا مع مرور الأزمنه
[ 2 ]
( تبي تتركني )
تبي تتركني اتركني تأكد اني ما ح أزعل
ولا اسأل وش تفاصيل البعاد وطوله ونوعه
ولكن قول انا ماشي ترى بعض الوداع اجمل
من هروب الحبيب اللي ترك له ناس موجوعه
اذا حبي مايعني لك اكيد ان الفراق افضل
واذا عيني بتبكي لك اكيد العين مخدوعه
واذا انت اللي بتتركني ولا احد ٍ جابرك ترحل
حرام اتظايق وأشقى على اللي رايح بطوعه
انا ماقول لك بانسى ولكن مستحيل اسأل
ابأحبس اصغر انفاسي لو الهمسات مسموعه
انا بأتذكر ايامك ولا انسى حلمي الأول
بتبقى صورتك عندي بوسط الروح مطبوعه
حبيبي لو بترجع لي وتعطيني العذر باقبل
اباغفر للحبيب اللي غياب احبابه يلوعه
ومهما طول غيابك بتبقى رحمتي أطول
تأكد في شرع قلبي لك الأقلام مرفوعه
[ 3 ]
( سواها قلبي )
سواها قلبي يا حبيبي و حبك
ماطاعني و انا عن الحب ناهيه
الظاهر انه ما يبي غير قربك
عاف الجميع و اول الناس راعيه
عليه ما اوصيك لا صار جنبك
صبح عليه بحب و بحب مسيه
نبضه وفا و تضحياته يعجبك
صافي و لكن ما لقى من يصفيه
خلى دروب الكل و اختار دربك
داريه تكفى قد ما فيك داريه
و ابشر بقلب ٍ ما يبي غير قربك
يموت و غير محبتك ما سكن فيه
[ 4 ]
( امنيـه )
و الله اني ما اتمنى في حياتي الا شي
اني املك كل هالدنيا بيدي
ما اسمعك في يوم تنطق كان ودي ..
قبل لا تحلم احقق
قبل لا تحكي اقول
قبل لا تشكي همومك
لك اجي كلي حلول
و ليت كل هالكون بيدي لاجل احقق ما ابي ..
ادري انه امنياتي هي مجرد امنيه
لوني املكها حياتي كنت بأهديك الحياه
بس اشوف الابتسامه ما تفارق دنيتك
ياللي كل ايامي تضحك لما المح بسمتك
و ليت كل هالكون بيدي لاجل احقق ما ابي
انت يا عزي و ذلي
و اجمل اجمل ما حصل لي
وش اقدم لك سواي
و ارمي ايامي تحت اطهر خطا
ياللي كل ايام عمري قبل ما احبك خطا
ايه قهر و الله قهر اني ما اقدر حتى ما اقدر
اوصل حدود السما لأجل اهديلك قمر
ودي ودي و الله ودي بس ما في يديني شي
[ 5 ]
( كلمة شكر )
كلمة شكر يا بوي .. كلمة شكر يابوي
ما توفي الشعور و أ حساسي صوبك يا بعدي أكبر كثير
مهما شكرتك لازم أشعر بالقصور لأن عيني دايم تشوفك كبير
تتكحل عيوني و يغمرها السرور كل ما تشوفك مبتسم قلبي يطير
يانور كل ما شفته زاد بوجهي نور ما دامك انت بخير هالدنيا بخير
يابوي لو لفيت انا العالم ادور بلقاك شي بهالزمن ماله نظير
يعني اختصار اللي بقوله من شعور روحي يا اغلى ناسها تحبك كثير
[ 6 ]
( اقرب قريب )
أضيع في الدنيا بلياك عني عذولك لا يردك
انت تأمر واللي تطلبه ياك الا الوداع وصوت صدك
اقرب قريب الروح تهواك والله وربي ما اردك
انت تأمر واللي تطلبه ياك الا الوداع وصوت صدك
إنت حبيبي الروح تفداك يا مبهدل العالم بقدك
حتى شفوفه تتبع رضاك واكثر من ودادك يودك
يانور بأسري وين مسراك بأحدد حدودي بحدك
أضيع في الدنيا بلياك عني عذولك لا يردك
ابرد بثلجك و اتدفاك تلمس كفوف إيدي خدك
أحبك أكثر واتحداك تلقى بقلبي من يندك
وكذاب لي قال لك بـ أنساك لو تنوي الصد بـ أردك
اقرب قريب الروح تهواك والله وربي ما اردك
[ 7 ]
( ديرة الغربه )
الله يسامحك على كل ما جاني
القلب لعيونك الثنتين عذر به
و الا طموحي براسي و اسأل امتاني
اكبر من اللي على شرواك اجاهر به
تذكرني ايام السعدي و اتناساني
في الضيق و الهم و اللوعات و الكربه
تدري وش الغربه اني داخل اوطاني
و اعيش مثل الغريب بديرة الغربه
لا تعتذر عذر ما يقنع علشاني
و ان كان به عذر تكفى لا تعذر به
لكن تذكر بأن ابن آدم انساني
و الكبر صاحبه له يوم ٍ يحدر به
في الحب ساير تعيش بحب وحداني
وان حارب الناس عقلك ماتفكر به
الاول اللي يعاني مثل ما اعاني
و اليا شعرت بلذيذ الشوق تشعر به
و اللي خفوقي على شوفته طرباني
كل الدروب العفيفه تطمح لدربه
ليه اتحداك لا قمت تحداني
وانا مقامي عن النجمات افاخر به
[ 8 ]
( طلبتك )
طلبتك لاتحاكيني عن احبابك ولا ذكراك
ولا ودي تعلمني عن الماضي ولا ادري
انا ما همني الماضي ولا ايامه قبل ما القاك
انا عندي بدايتنا بداية عمرك و عمري
اخيراً جيت يا وجهٍ مضى عمري و انا استناك
وجيت بصورة فاقت خيالي وحلمي العذري
حبيبي خلنا نبدا حكايتنا انا وياك
قبل ما الوقت يسرقنا و لحظات الهوى تسري
انا ابغى حبنا راقي يودينا بعيد هناك
لدنيا ما بها فرقا ولا كذبٍ ولا غدري
اذا على الوصل انا اعاهد وربي ما بيوم اجفاك
لخجل بالعطى غيري و اجازي صبرك وصبري
انا طمعان بوصالك وشاري بدنيتي دنياك
وحكم الحب في يدينك تبيع احساسي او تشري
اذا شاري سنين العمر يا عمري الهوى يفداك
واذا انك بعت لا تنطق ابعرف عندها قدري
[ 9 ]
( شموخ عزي )
من يقول انك تحب من يقول انك وفيت
كل هذا كان لعب ياما اخذت و ماعطيت
كافي ما جا منك كافي بان لي ماكان خافي
كنت اظن الحب وافي و اثر حبك خساره
كم تناسينا خطاك ما يهمك وش يصير
بعت قلبي اللي عطاك صدق ما عندك ضمير
غلطتي ارخصت نفسي يوم اضويتك بشمسي
بكره ماهو مثل امسي قلبي و تغير مساره
كان قلبي في يديك ضامنه لا ما يخون
لا و لا بحلمك اجيك هذا في حكم الجنون
اذكرك ياللي انت ناسي و اوقف بوجهك يا قاسي
شموخ عزي و احساسي يسوى كوني و مداره
وبــســ اتــمــنــى يــعــجــبــكــمــ
موضوع: اصــالــه ..ســواهــا قــلــبــي 
