كلمات تعبير عن شوق الغريب للوطن واكيد هالكلمات هي حالي من كنت بعيد عن ارض الوطن وهي حال كل عراقي مغترب يحن الى البلد الحبيب ويحمل هموم الغربة ومتعابها ومصاعبها...
رسالة في الغربه
للشاعر ايسر الاعسم
...............................
سحبت القلم والورقة وجمعت افكار
وردت اكتب رسالة للأهل والجار
عنونت الرسالة اهلي واصحـابي
شنهو الي جره بغيابي ياحبابـي
صدكوني البعد عنكم يهد الحيـل
صاير كالطفل حاير بوسط السيل
مرات النفس تأمرني انساكـم
ومرات القلب ينزف بفرگاگم
اريد اعرف طريقي منين راح ابديه
من هذا البلد لو اطلع والغيــه
وليمتى اظل بهل الفكر سرحان
وحيد بداخلي لااهل لا خوان
يا بلادي السفر والله يجويني
يعراقي الابي ما تكدر تجيني؟
يا بوية وصديقي واجمل عـراق
هم تصفه النفوس وننسه الفراق
مخنوگ الصدر والفكر ظل مشلول
يومي بس حزن واسأل عن حلول
مليـت الكتابة وخبصة افكاري
ومليت الحزن والدمع بس جاري
مزگت الورق و وكسرت اقلامي
وظلت بمكاني تـــدور ايامي
........................
موضوع: .•:*εïз*:• الغـــــربــــــــــــــــــه .•:*εïз*:• 